人BLOG 我又BLOG

由馬力響年中去世後，港島區補選0既新聞一直成為傳媒炒作，到下個月終於舉行補選了，風頭比今個月0既區選仲勁。

(閱讀全文)

好耐好耐冇正正經經咁講下時事了，今日見到偉大0既特首提出0既言論，突然挑起條筋想講0下0野。

(閱讀全文)

今朝睇都市日報，見到梁家傑0既選舉廣告。廣告內列出政網，以及一句口號︰”唔係打工咁簡單”。

(閱讀全文)

響香港，每次有新出遊戲機，一定會有人問”乜乜乜有老翻未？”。

由以前0既”physcial method”—刀仔法開始，已經有一大班人用盡方法玩老翻。到後來資訊爆炸，多左人知道玩老翻，原來可以加粒chip 就得。於是乎幫人改機玩老翻0既舖頭，變得成行成市。買機果陣，一定有所謂0既套餐，包改機，包火牛，有0的仲會夠膽包幾隻老翻碟。

但改機，又係咪一定要玩老翻呢？

咁又未必，香港行貨，可以玩0既game 多數係NTSC-J，日版是也。

但有0的遊戲，只有美版/歐版，又或者係美版/歐版優先推出。於是乎，改機其中一個作用就係玩唔同區碼0既遊戲。就筆者部GC 黎講，買番黎已經改左做全區碼，所以可以早半年玩到METROID PRIME (日版遲美版半年推出)

但呢輪，我地偉大0既政府又有新搞作了︰

“遊戲機改機將需負刑責
11月 10日 星期四 14:00 更新

政府修改有關規避保護牌權科技措施的建議，將遊戲機改機的商業行為，列為刑事罪行。

政府發言人表示，他們注意到，某些用於防止侵權行為的科技措施，會同時執行區碼限制的功能，以達到控制市場劃分的目的。因此，政府建議把擬議刑事罰則的適用範圍收窄，使該罰則不涵蓋那些應用於實物所載版權作品複製品而且包含透過地區代碼控制市場劃分的保護版權科技措施。

在最新的建議中，刑事罰則只適用於受有效科技措施保護的電腦遊戲的實物複製品，而該科技措施必須沒有地區代碼限制的功能。政府亦建議收窄擬議民事法律責任的適用範圍，若規避者明知或有合理理由知道自己正在蓄意作出規避的目的，以期誘使、促使、利便或隱瞞一項侵犯版權行為，則該民事責任才會適用。

將遊戲機改機的商業行為，列為刑事罪行。

政府發言人表示，他們注意到，某些用於防止侵權行為的科技措施，會同時執行區碼限制的功能，以達到控制市場劃分的目的。因此，政府建議把擬議刑事罰則的適用範圍收窄，使該罰則不涵蓋那些應用於實物所載版權作品複製品而且包含透過地區代碼控制市場劃分的保護版權科技措施。

在最新的建議中，刑事罰則只適用於受有效科技措施保護的電腦遊戲的實物複製品，而該科技措施必須沒有地區代碼限制的功能。政府亦建議收窄擬議民事法律責任的適用範圍，若規避者明知或有合理理由知道自己正在蓄意作出規避的目的，以期誘使、促使、利便或隱瞞一項侵犯版權行為，則該民事責任才會適用。”

先莫講為何政府突然有搞作，但呢條議案0既成效實在值得懷疑。避談0左老翻問題，反而連改機玩全區碼都要針對。第一、DVD 機0既全區碼改機又如何？應唔應該立法監管？第二、非本區區碼0既軟件，多數係水貨。既然係咁，應唔應該禁止水貨？抑或係純粹迫人買多部非本區區碼0既遊戲機？

又，若果呢條議案只係針對全區碼遊戲機的話，應該係對遊戲業完全冇影響的，因為要玩不同區碼0既遊戲，根本唔駛改機，用LOADER 就可以了。

搞呢條議案0既表面目的，我個人認為有兩個︰

1. SONY 施壓︰眾所週知，香港0既PS系列行貨，全部都由SONY 自己做(任記機由萬信做，萬信響香港不嬲都採用”零宣傳”攻勢)。而XBOX 0既改機潮不嬲都唔熱烈，因為XBOX 0既食湖牌係LIVE，而改左機係無辦法上LIVE 的。加上近日吹起”PSP DOWNGRADE 風”，香港又係一個商人治港0既社會，單講針對遊戲機的話，SONY 係最大嫌疑0既。

2. 做SHOW︰十二月世賢會議，政府要做個靚樣比人睇。到時起碼唔會比人話打擊水貨不力卦。

以上兩個原因純粹推測，但任何一個原因都足以証明，我們的政府係幾咁有能。

“綽號「古惑天皇」的男子被控以BT點對點方式在網上分發侵權電影檔案罪名成立，被判囚3個月。

法官麥健濤判刑時指出，被告陳乃明（38歲）做種子分發的行為等同商人出售翻版電影。雖被告的感化報告指，他適合做社會服務令，但這是首宗的BT侵權案，需判阻嚇性刑罰，故判他每項侵犯版權罪名入獄3個月，同期執行。法官警告，如再有人干犯同類案件，就會判等同街邊販賣翻版碟的刑期。陳乃明將會提出上訴。

陳乃明於本年1月於屯門寓所，利用BT技術，上載3齣侵權電影《夜魔俠》、《選美俏臥底》和《宇宙深慌》，供網友下載，被海關揭發，較早時被裁定3項違反《版權條例》罪名成立。

法例規定，觸犯《版權條例》第528章118條，一經定罪，最高刑罰為入獄4年，及每份侵犯版權複製品罰款5萬元。”

全球第一宗以刑事起訴BT使用者0既案件終於宣佈判刑了，古惑天皇被判坐三個月監。比頂包，藏毒，打交0既罰則仲要重。

響呢件事裏面究竟誰人得益呢？

1)政府？但浪費0左不知幾多人力物力，先可以起訴到一個咁大把0既人。政府話，香港0既BT下載率降低0左八成，你信嘛？

2)香港導演/製片？但依然冇聽人講話會去睇邊套港產片，要我入場睇港產片，我寧願同小仲去睇DOOM。票房會因為打擊BT 而增加麼？

3)BT大眾？基本上冇乜影響，除0左天皇比人捉，宣佈有罪到今日判刑果幾日，真係少左人放SEED之外，大家都係舞照跳的。

4)古惑天皇？出曬名，連便利都搵佢做訪問。不過，佢要準備定通櫃了。

咁究竟邊個得益？響政府成功叉到一個人之後，告唔告埋其他上載者好？

不如，叫李生拎多十億出黎，成立一個機構去專係對付BT 啦。個機構改埋名做”李嘉誠反BT署”又點話丫。