新blog網址係︰
http://hk.myblog.yahoo.com/daddy-longleg

唔知會唔會搬番0黎，但係都多謝各位一直0既支持，希望到0左新地方之後都繼續留意。

1) 出trip，果兩日好他條，不過發覺個manager果然係唔理我，尤得我up的，有好有唔好啦

2) 同力子去覆診，突然見到唔少人……原諒我冇一個一個介紹，因為其實唔多熟的。同埋，桃源居0的0野難食0左，以後唔駛返轉頭了。

3) 溫GMAT，0的英文題目0既解釋有0的無稜兩可……要搵人教了。聰嫂個咖啡紅豆水晶珠幾好味，正。

4) 同七爺傾DSLR，搞到又心郁。不過近來已經兩隻合金+TYTN2+皮鞋皮帶……我需要冷靜，做少少BUFFER先……話就話一個月只係幾舊水0者。同埋，潮無講得0岩，我要諗0下自己想影乜先。總之樣樣都係錢。

5) 孖C袋果然係貴0野，閒閒地都18K以上。睇0黎就算有折我老姐都未必會考慮。

6) 見到老姐GROUPMATE做0既PROJECT，總算明白點解政府工會考埋0的低能中文文法……只求有半句通順句子都咁困難，睇pt變成改中文，原諒我鍾意順手幫人改中文。

7) 我只係想靜靜地食餐飯0者……唔駛錢都好，唔好迫我聽足四個鐘高歌，仲要唔係唱得好，走曬音果隻。真係計條數，上台唱歌的話，收番五百蚊一首先可以唱的話，會幫個會進帳不少。

8) 好耐冇見過人地食酒席食到搶住咁，前世未食過酒席菜麼肥師奶？大佬，酒席菜真係食到悶，你要搶緊尤得你的，咁大個人，仲要係醫生…… THAT'S WHY，我係幾睇唔起某部份中醫的。

9) 始終都有穿幫0既一日，其實我都知佢係一早知的，亦都有曬心理準備，不過有0的問題我都估唔到……同埋，點呀……失0左縱咁……好番未呀，好擔心呀-_-

10) 第一次單拖出TRIP，老闆當我係FRESH咁猛叫我要點點點……嘩，收咁0既人工仲可以做GREEN，真係太幸福了。

完全唔記得較微距，放大會矇0既，唔好見怪。

(95753.jpg )
東京生活拚盤(@POKKA)。左起分別係芒果(好似係)SORBET，宇治金時(紅豆綠茶雪糕)，法式燉蛋，朱古力蛋糕同埋朱古力&綠茶TIRAMISU。個仕仔話應該由左食起，食完燉蛋後食TIRAMISU，最後先食舊蛋糕。左邊三舊幾好味，個朱古力蛋糕都OK，但係舊TIRAMISU就有問題了，好明顯係0的魚膠粉起0左粒粒，同埋，我幾接受唔到一舊TIRAMISU係一PAT 0野+一舊冇酒味0既餅底。

(95754.jpg )
力子合埋眼點0既飲品，仙人掌青蘋果蘆薈汁(@POKKA)。好大陣草青味，但係又唔算好怪0既，飲落都幾清新，不過真係唔係人人都受到陣味。同埋，冇蘆薈粒的，哈。

(95755.jpg )
九洲拉麵(@橫綱)。成日經過但係冇入去0既舖頭，奮勇哥話唔錯所以諗住試下。麵0黎講，我上次去博多買果PACK即熟麵好味0的，個湯又冇乜豬骨味咁，淨係食到咸味。係塊叉燒幾好味咁啦。

(95756.jpg )
清湯拉麵(@橫綱)。感覺上除0左碗湯之外同上面個九洲拉麵冇分別，但係碗湯就真係得番咸味。係LOR，鬼叫係清湯……

(95757.jpg )
梅子飯團(@橫綱)。成餐飯最好味0既東東，連力子食完碗拉麵，都仲可以成舊飯隊曬的。除0左表面粒梅之外，中間都仲有粒梅，好開胃。去拉麵店食拉麵，竟然覺得飯團好味過碗麵的……呢間店長期有人排隊0既原因，永遠係一個謎。

(95758.jpg )
大炒干絲(@揚中長江大飯店)。去揚中(南京果頭啦)出TRIP時DINNER點0既菜，有火腿絲白菜絲豆腐乾絲同埋唔記得乜絲物絲。個口感係幾得意的，個豆腐乾絲幾有味。

(95759.jpg )
吊桶牛筋煲(@揚中長江大飯店)。0的牛筋好硬，食唔到落去，浪費左。唔知係佢地食法同香港唔同，定係本身0的牛筋唔靚了。

(95760.jpg )
酸辣湯(@揚中長江大飯店)。幾醒胃，意外地好味，尤其當晚凍凍地(果邊落機得兩度)，飲碗辣湯特別醒晨。

(95761.jpg )
金銀蛋芥蘭芯(@揚中長江大飯店)。同金銀蛋莧菜差唔多的，冇乜特別，又係咁啦。

(95762.jpg )
木桶牛柳(@揚中長江大飯店)。深圳地區都大把得你食，冇乜特別，咁算係煮得幾林0既。

(95763.jpg )
紅燒獅子頭(@揚中長江大飯店)。唔……咪又係咁LOR，同香港食到果0的差唔多。

(95764.jpg )
清蒸獅子頭(@揚中長江大飯店)。其實我睇個款唔應該叫做清蒸，應該叫做燉的……不過無所謂啦。唔係我點0既，一人一份，我已經有粒紅燒，所以冇試個清蒸係點。

擺相擺到就無位了，版主有冇辦法？(裸求)

到福岡之後都係食。除0左拉麵之外，果度好多0的掛住「地雞」0既牌，意思係「本地雞」。原來福岡0既雞係幾有名的，而我地去果間餐廳，就係去食雞鍋。

食餐都淨係掛住食，冇乜影相，係影0左幾張咁大把︰

(95644.jpg )
雞鍋。四個人一鍋，食前大家試下味，唔夠味就打下鹽先，之後就打邊爐咁，放0的菜落去，滾滾滾(請你滾~滾起佢~)，食食食。本身有0的雞響度，老實講，唔算好特別，但係個湯好好飲。飲到咁上下，0的人叫我地唔好飲……

(95645.jpg )
因為要放0的飯入去煮雞粥。唔……我都係鍾意沙田雞粥多0的。

(95643.jpg )
呢杯0野不能不講。呢杯係SAKE，唔係一杯普通0既SAKE，面頭果0的係河豚乾！不過陣味真係不敢恭維。自己就唔係太好了，怪怪咁，加上唔多慣飲熱酒。唔，應該係滾酒先0岩……

基本上食完冇乜時間行。事前去0左酒店隔離個商場買0左一堆書，事後就去0左博多站隔離0既電器中心掃GAME。LOST ODYSSEY、勇者、A.C.E. 2、WII FIT(好抵！8380YEN，維起六舊水左右！)、幫西苗買0既BH槍GAME……最可惜係見唔到有玩具，同埋360響果邊真係唔太HIT，乜周邊都冇。

第二日，一早去SHOPPING，掃手信，乜都唔理，每樣掃三兩件，咁又掃0左萬幾YEN……返0黎仲要發覺好似係唔多夠派的。然後又見到GAME SHOP同CD SHOP，又去掃，NO MORE HERO、SCHOOL DAYS、同埋幾隻CD……最抵死係比我買到夠分，有1000YEN DISCOUNT，所以先順手掃埋隻NO MORE HERO。以咁短時間0黎講，0的收獲真係豐富到暈……

當日下就就搭機返0黎了。計0下數，唱0左HKD7000過去，仲可以駛淨HKD1400。扣埋老闆果封10000YEN利是，即係駛0左差唔多HKD6300……真係破財呀。好彩有0的係收得番的。

故事背景係兵荒馬亂0既滿清VS太平天國年代，講述落泊將軍龐青雲(李連杰飾)結拜山賊趙二虎(劉德華飾)同姜午陽(金城武飾)，參軍為朝延賣命，最後龐青雲跨過眾多戰友0既屍體，登上兩江總督之位。

對歷史0既認知係零，亦都係事後先睇番，原來行刺係真0既，但係人名係假，中間發生咩事無人知道，所以係作0既，呢件事亦都唔係第一次改篇成電影。

成個故事主要就係圍繞三位結拜兄弟所發生0既事，同埋關係上0既變化。雖然冇講明，但係二虎同午陽二人奉青雲為兄，相信除0左青雲悉知軍事之外，仲有係佢令人敬仰0既志向 - 成為一位有能力保護百姓0既人。及後，由於各種矛盾，信義與軍情之間0既決擇，兄弟間0既情漸漸疏離，甚至到最後要互相殘殺。然而，大概係怕觀眾唔明發生緊咩事，於是特意以午陽作為倒述0既旁白，講返每一件事0既後感。

好自不然咁同《300》比較，冇電腦動畫製造出0既誇張怪獸，亦無戰鬥力驚人0既戰士，只有用意志力硬撐0既凡夫。影響戰局0既，亦都唔係單單講戰力多少。背後0既支持，策略，全部都左右緊每一場戰事。

難受0既係，任你志向幾遠大，好多時只可以向事實低頭。睇過簡介，講到係「大哥點踩住細佬頭0黎上位」，自己睇過又唔覺係一回咁0既事。畢竟，有時犧牲同取捨係必要0既，莫講係做官，就算只係得十人0既小辦公室，一樣存在呢種矛盾。只係，講到尾，幾surprised 0既原來又係講緊「一支竹仔會二截彎」呢個簡單0既童謠故事。狡兔死，走狗烹，無利用價值果陣，只可以成為棄子。估計自己0既斤兩，其實比想像中難，亦比想像中重要。

比你係龐青雲，你有能力成為一支突出而又可以存異0既竹仔嘛？我自己問心講就冇能力了。

買完一號機，好順手咁買埋二號機。

天呀，今個月駛好多錢……

(95220.jpg )
同鐵1一樣，心口0既高熱板有透明同實色兩種。擺緊BREAST BANG 0既姿態，自然又係用透明色。

(95221.jpg )
冇鐵1 0既兩種手臂可替換 - 本身鐵2果對就係IRON CUTTER手。取而代之係連一隻SPECIAL PART，一隻用0黎擺THUNDER BREAK姿勢0既手部零件。順帶一提，手部零件0既拔插比鐵1好0左，換幾次手都冇甩件。不過駕駛倉隻飛機仔就插得唔太實，唔太掂。

(95222.jpg )
又一種只有鐵2先有0既武器，MAZINGER BOMERANG。其實冇乜特別，不過見到塊版係後面都有上色的，夠DETAIL。

(95223.jpg )
當然亦有佐藤式獨有0既拳甲。

(95224.jpg )
同埋大刀一把。其實永井式0既鐵2本身已經係有一把刀的，不過當然冇咁大把啦。

(95225.jpg )
呢個係買鐵2 0既原因 - 把大刀可以同鐵1 0既合體，變成一把更大更型0既刀！諗呢個FEATURE 0既人真係一絕！把刀合體後非常地靚。

(95226.jpg )
同鐵1 0黎一張合照。不過，冇0左大刀0既鐵1，感覺好空虛。

嗚哇……唔該唔好轉頭走去出魔神皇帝……

繼續第二日行程，去到最終地0既酒店，先響酒店附近0既「雲仙地獄」行一個圈。

雲仙有溫泉口，四周都有硫磺煙噴出0黎，令到呢個地獄真係幾有地獄0既風光。

(94855.jpg )
四處都係煙，一陣一陣0既臭蛋味。據知，噴出煙霧0既位置，大約有百二度0既高溫，真係放隻蛋落去都會熟。最可惜0既係，冇試過溫泉蛋lor……

響酒店附近影0左幾張相。

(94856.jpg )
酒店房影出去，個太陽未出曬0黎

(94857.jpg )
附近0既酒店外觀。

(94859.jpg )
影返去自己酒店，專登用七哥教0既壓光……唔……好似壓得多0左少少，個天好灰。

第三日起身，就出發去豪斯登堡，聽講以前係0的外國人上岸0既地方，果度有個充滿荷蘭特色0既主題公園。

(94864.jpg )
大門口0既閘。唔知荷蘭係點樣，但係好荷蘭。

(94872.jpg )
出租的士，3000YEN走一轉。好鬼想坐下，如果可以自己渣就更好……

(94873.jpg )
都係租比人0既單車，好似大圍果隻咁，一家幾口最0岩。

(94875.jpg )
園內一景，真係好鬼外國FEEL的……

(94876.jpg )
又係用七哥教0既技術0黎影，不過好似未夠動感……PREVIEW果陣都唔覺的。

(94877.jpg )
成個公園都係比MIFFY包0左咁，因為老姐鍾意MIFFY，所以響呢家MIFFY SHOP買0左0的手信比佢。

(94878.jpg )
好鬼靚0既教堂。不過冇行入去睇，太趕了。

(94879.jpg )
園內0既大帆船。老實講，呢個世界究竟仲有冇呢種型0既船，而仲係現役0既呢？

(94880.jpg )
臨走見到呢部改裝成小賣店0既”餓0靚芝VAN”。可唔可以比我渣一轉呀……

呢個主題花園都幾邪惡，出口之前仲要遊客強行去行一個MARKET，驚渣唔乾你0的錢咁款。個行程得個幾鐘，完全唔夠時間比你慢慢行，真係要留一晚先夠的。

跟住就去0左TOSO，好多OUTLET店，不過睇唔0岩0野，只係買0左件LEGO比姐夫……再之後就去福岡了。

好累，待續吧。