舊聞是令人興奮的.jpg — 逆轉DS GAME 評
早幾日寫的東西，用黎當BLOG 吧。
我自認係”逆轉裁判” 0既FANS。
“逆轉” 說穿了係一隻偵探遊戲，但本身係佢加入左”法庭戰鬥” 部份，揭穿真相0
既方法唔再好似”金田一” 呢類故事咁，一個偵探猛講。
“逆轉” 一至三集玩法差唔多係一樣，分別只係故事0既不同。而”逆轉” 最吸引人0
既地方，正是”未到最後都未知真相” 0既故事。所以就算已經出左三集，但FANS
們對佢0既熱情依然未減。
今集”逆轉DS”，老實講係一件呃錢0既商品，但看見銷量，竟然可以拍得住PSP 重
頭作”WE9″，証明”逆轉”在日本也有一定的人氣。
“逆轉DS” 其實係”逆轉一” 0既故事加EXTRA 一章，即是港產音樂CD 用黎呃錢0既”
舊曲+BONUS TRACK CD”。有玩過”逆轉一”及”逆轉二” 0既朋友，應該只知兩個故事
銜接得並唔理想 —- “逆轉一” 最後御劍依然同成步堂繼續並肩作戰，但”逆轉二
” 一開始，御劍竟然”死了”。明顯地，廠商並未諗過”逆轉” 系列竟然咁受歡迎，
於是做成呢種故事0既漏洞。而”逆轉DS” 新加入0既一章”蘇生逆轉”，正正補完故
事0既漏洞。
“DS”基本FEATURE 同”GBA 三步曲” 並無分別，新元素除0左”英語選擇” 同用聲控
指令代替人手操作外，就只有響”蘇生逆轉”中出現0既TOUCH SCREEN 同吹氣0既應
用。”蘇生逆轉” 中，玩家需要用到TOUCH SCREEN 同吹氣去做血液測試及指紋測
試。另外仲有個人認為最實際0既”証據檢查”，某部份証據品可以以360 度0既旋轉
去檢查隱藏0既資料，大部份破案關鍵都在於呢0的資料當中。若”逆轉” 響DS 度出
系列新作的話，以上0既新FEATURE 應該係不可缺少。
新故事內容依然緊湊，結局依然出人意表 (雖然玩開”逆轉” 系列的話一開始大概
已經知誰是真兇)。其實作為FANS，依然係冇理由唔買黎玩。至於香港玩家，由於
有英語選擇，所以入手人數都有唔少。奈何我個人始終覺得，PHOENIX WRIGHT 呢
個名比起”成步堂 龍一” 硬係差少少野，系列惡搞0既食字笑話變左英文版之後基
本上係笑唔出…….
點都好，”逆轉DS” 係熱愛偵探遊戲0既你必入之作。但係唔想用腦諗0野0既玩家，
可以慳返三舊水。
回應(3) | 回應的RSS | 暫時未有引用通告| 
(0)
